აფხაზეთის მოგონებები

გაგრა.
მე - 6 წლის.
ცისფერი ზღვა, რომელიც ისე შეუმჩნევლად გადადის ცაში, რომ ვერ ხვდები, სად გადის ჰორიზონტის ხაზი.
ყვითელი ქვიშა პლაჟზე.
მოკლე ქუჩა, პლაჟის უკან.
ქუჩის გადაღმა - პატარა სასტუმრო.
სასტუმროს უკან - უკვე მთები.
კავკასიონი.
ტყე, გადაშლილი მთის კალთაზე.
ტყის ფერი კი - ლურჯი. მუქი-მუქი.
ხომ გინახავთ ლურჯისფერი მწვანე ტყე?
მე იმ ზაფხულის მერე აღარ მინახავს.
ერთხელ შევავლე რაჭაში თვალი, მაგრამ ისეთი ლურჯი მაინც არ იყო, როგორც გაგრაში...