The Sound of Silence

ძალიან ადრე, ჩემს ღრმა ბავშვობაში მოვისმინე ეს სიმღერა: Simon & Garfunkel - "The Sound of Silence"

დაფიქრებულხართ როდესმე - რა ხმა აქვს სიჩუმეს? მე არასდროს არ მესმოდა, სიჩუმე ხომ ხმის უქონლობაა, როგორ შეიძლება მას რამე ხმა გააჩნდეს...

თურმე შეიძლება...

ადექით ღამის 4 საათზე, გამოდით აივანზე და დაუგდეთ ყური ქალაქს... მთლად სიჩუმე არაა, მაგრამ საკუთარი გულის ცემის ხმას გაიგებთ. და ყურებშიც იგრძნობთ, როგორ მოძრაობს სისხლი თქვენს სხეულში.

საათის წიკწიკი... სადღაც შორს, მანქანამ ჩაიარა...

ეს მაინც არ არის ის სიჩუმე, რაზეც ესენი მღერიან...

სიჩუმის ხმა არის მხოლოდ ერთი, და ის ძალიან იშვიათად გვესმის - ეს ჩვენი აზრების ხმაა... ჩვენი სინდისი და ჩვენი ნამუსია, რომელიც მოგვმართავს... ეს იმის ხმაა, თუ რაზე ვფიქრობთ ჩვენ...

დაუგდეთ ყური, საინტერესო რამეებს შეიტყობთ...