კავსაძის გიჟი

და კიდე - ის გიჟი, კავსაძეზე, სულაც არ მოუკლავთ. ჭორი ყოფილა ეგ, ჭ ო რ ი ! ან, შეიძლება სიმართლეა, მართლა მოკლეს, მაგრამ თბილისმა, ამ უცნაურმა და იდუმალმა ქალაქმა, ადგა და თავისი გენეტიკური მეხსიერებიდან აღადგინა კავსაძელი გიჟი - გააცოცხლა თავიდან, კლონი გააკეთა (ნუ ხო იცით კლონი როგორც კეთდება, დეზოქსირიბონუკლეინის მჟავის სპირალს იღებ და აკოპირებ, ერთი ერთში...)

ხოდა დგას ეხლაც და ცეკვავს კავსაძის შუქნიშანთან, მაგრამ ეტყობა, აშკარად ეტყობა, რომ ის უკვე სხვაა... უფრო დინჯია, და უფრო გიჟია. უფრო ცოცხალია და უფრო დაღლილია. უფროა, მოკლედ.