ქართული სიამაყე

ან ქართული უნიკალურობა - როგორც გნებავთ, ისე გაიგეთ.

რაში მდგომარეობს ჩვენი ეს უნარი, აღვიქვათ საკუთარი თავი განსაკუთრებულებად, განუმეორებლებად, უნიჭიერესებად და ულამაზესებად?
უფრო სწორად, საიდან მომდინარეობს, რა არის ამის მიზეზი?

პირველ რიგში მინდა მოგახსენოთ, რომ არაფერი უნიკალური და განსაკუთრებული ჩვენში არაა. ზუსტად ასეთივე განსაკუთრებულებად მიაჩნიათ საკუთარი თავი გერმანელებს, ბრაზილიელებს, განელებს, პოლინეზიელებს და საერთოდ ყველა ერს. ხალხს.

უფრო მეტად ეს გრძნობა გამძაფრებული აქვთ ისეთ ერებს, რომლებსაც მუდმივად უწევდათ თვითმყოფადობისათვის გრძნობა და მრავალი საუკუნის განმავლობაში მოახერხეს კიდეც, შეენარჩუნებინათ წინაპრების კულტურა და ენა.
კარგი მაგალითია ირლანდიელები, რომლებიც კელტების შთამომავლები არიან (ან თვლიან თავს) და ამით უსაზღვროდ ამაყობენ.