არსებობენ?

არსებობს ხალხი, რომელიც ნერვებს გვიშლის.

არსებობს ისეთი ხალხი, რომელიც საერთოდ არ გვაღელვებს.

არსებობენ, ვისაც არ ვიცნობთ.

არსებობენ ისეთებიც, ვისაც არასოდეს არ შევხვდებით ცხოვრებაში.

არსებობენ, რომლებიც სულ გვხვდებიან.

არსებობენ ისეთი ადამიანები, რომლებიც არ გეშვებიან.

არსებობენ მსხვერპლნი და მონადირენი.

არსებობენ უბრალონი და საბრალონი.

არსებობენ ჩვეულებრივი იდიოტები და აბსოლუტური დეგენერატები.

არსებობენ რო საერთოდ? იქნებ, სულაც არ არსებობენ და ეს ყველაფერი მითია, ტყუილი?

იქნებ მარტო შენ არსებობ, და შენი მეგობრები - ვისაც იცნობ, ეხები და ეკონტაქტები. დანარჩენები - არ არსებობენ.

რომ გითხრან, ისურვე და შენთვის უცნობი ადამიანი მოკვდებაო, რას იზამთ? უბრალოდ, ინტერესის გულისთვის - ისურვებთ?

მე - არა. მირჩევნია მივიდე და მოვკლა. არ მინდა, რომ მერე სხვამაც რამე მსგავსი ისურვოს.
მოვალ და მოგკლავ.