არჩევანი
რამდენი არჩევანი გვაქვს ამ ცხოვრებაში... მილიონი? მილიარდი? ტრილი... არ ვიცი რა ქვია...
მთავარი იცით რა არის? ჩვენი ცხოვრების მანძილზე რამდენი არჩევანიც გაგვიკეთებია, ყველა სწორი ყოფილა. იმიტომ რომ ჩვენ დღეს აქ ვართ, აქ ვდგევართ, და ჩვენ ვართ ჩვენ.
აი ამიტომ მე კმაყოფილი ვარ ყველა იმ არჩევანით, რაც გამიკეთებია. კმაყოფილი ვარ, იმიტომ რომ ეხლა ასეთი ვარ და აქ ვარ, და ეს პირდაპირი შედეგია ჩემი სხვადასხვა დროს გადადგმული ნაბიჯებისა... თუნდაც შეცდომა დამიშვია (უფ, თან რამდენიც გინდა), მაგრამ მაინც კმაყოფილი ვარ...
კმაყოფილი ვარ იმიტომ, რომ იმ დღეს იქ ვიყავი, სადაც უნდა ვყოფილიყავი, და ისე მოვიქეცი, როგორც უნდა მოვქცეულიყავი...
კმაყოფილი ვარ, რომ არანაირი გაბედვა და საკუთარ თავთან ბრძოლა არ დამჭირდა გადაწყვეტილების მიღებისათვის... ვიცოდი, რომ ეს ასე უნდა მომხდარიყო, იმ წუთას ასე მომინდა, და იმიტომ... და რაც დრო გადის, ვხვდები, რომ ძალიან სწორი და რაც მთავარია, დროული ნაბიჯი იყო...
ხო იცი - არ გაგაჩუმე, პირიქით... :)
