>По-грузински это означает "клянусь"

>ბევრ სხვადასხვა ერს (და მათ ენებს) ხვდა წილად ბედნიერება, შეეტანათ წვლილი მსოფლიო კულტურულ და ლინგვისტურ საგანძურში.

გავიხსენოთ ბერძნები თავიანთი მითოლოგიით;
გავიხსენოთ რომაელები მათი შესანიშნავი ლათინური ანდაზებითა და გამონათქვამებით;
გავიხსენოთ არაბები, რომლებმაც ბევრ სხვა რამესთან ერთად (ვერ ვიხსენებ ზუსტად, მაგრამ ერთი აზიური კულტურა მჭირდებოდა ჩამონათვალში) ვარსკვლავსაც დაარქვეს სახელი (მაგალითად, ბეტელჰეიზე);
გავიხსენოთ გერმანელები შესანიშნავი სიტყვებით ცაიტგაისტი და რენტგენი; ლაიტმოტივი და პოლტერგეისტი, ავტომატი და ავტობანი, ვუნდერკინდი და ლანდშაფტი;
გავიხსენოთ ფრანგები – კარტ ბლანში და შამპანური; ავანგარდი და კამუფლიაჟი, მირაჟი და კაშნე, შეზლონგი და სხვა მრავალი;
ინგლისელებზე ხომ საერთოდ ცალკე სტატია უნდა დაიწეროს, იმდენი სიტყვა გვაჩუქეს თუ ძალით მოგვახვიეს თავს;
არაბებთან ერთად ჩინელები და იაპონელები გამახსენდა – ამათაც იცოცხლე და უზარმაზარი გავლენა მოახდინეს მსოფლიოს განვითარებაზე.

ოცდამეერთე საუკუნის დასაწყისში კი სწორედ ამ დიად სიას შეუერთდა ქართული ენა (და ქართველი ერი).
მრავალწლიანი ისტორიისა და უდიდესი კულტურული მემკვიდრეობის მქონე ხალხს აქამდე არ მოგვეცა საშუალება, სხვებისთვის გვესწავლებინა ჩვენი შესანიშნავი და საამაყო ქართული ენა.
მაგრამ ეს ყველაფერი გუშინ იყო!

დღეს კი – დღეს მთელი მსოფლიო ამაყად და თამამად იმეორებს ლამაზ ქართულ სიტყვებს, რომლებიც ნიშნავს: ვფიცავ!

ეს ყველაფერი კი შეცვალა უკრაინული ”ნიჭიერის” ერთ-ერთმა კონკურსანტმა, რომელმაც ამაყად ამცნო მთელს მსოფლიოს ეს ქართული სიტყვები:

Advertisements