ცოტაოდენი სტატისტიკა

მნიშვნელოვანი მოღვაწეები ხელოვნებაში, ლიტერატურაში, მუსიკასა და მეცნიერებაში – 1400-დან 1950 წლამდე.

output_MoNHnJ

Advertisements

Marqués de los Jardines de Aranjuez

ცნობილი მუსიკალური თემა – არანხუესის კონცერტი.

ასობით და ათასობით ინტერპრეტაციებიდან ეს ალბათ ერთ-ერთი საუკეთესოა – შესრულებულია ჯიმ ჰოლის მიერ 1975 წელს. ამაზე უკვე ორი წლის წინ დამიწერია – თურმე ამდენი ხანია, ”ჩახვეული” მაქვს.

ოფიციალური ალბომიდან:

Recorded at the Van Gelder Studio, Englewood Cliffs, New Jersey on April 16 & 23, 1975. Jim Hall (guitar); Don Sebesky (conductor); Paul Desmond (alto saxophone); Chet Baker (trumpet); Roland Hanna (piano); Ron Carter (bass); Steve Gadd (drums).

ამ შესანიშნავი მუსიკის ავტორს, ესპანელ ბრმა კომპოზიტორს ხოაკინ როდრიგოს 1991 წელს ესპანეთის მეფემ, ხუან კარლოს პირველმა არისტოკრატიული ტიტული (ქართულად: თავად-აზნაურობა) უბოძა და არანხუესის ბაღების პირველი მარკიზი უწოდა.

როდრიგომ ეს კომპოზიცია 1939 წელს პარიზში დაწერა. მან და მისმა მეუღლემ თქვეს, რომ კომპოზიცია რამდენიმე მოვლენას მიეძღვნა: თაფლობის თვეს, რომელიც მათ ერთად გაატარეს არანხუესის სამეფო სასახლეში, პირველი შვილის გარდაცვალებას და გერნიკის დაბომბვას.

გერნიკის დაბომბვას  პაბლო პიკასომაც მიუძღვნა რაღაც (წაიკითხეთ ”ომამდე ტანკისტის” კილოთი):

გერნიკა. პაბლო პიკასო, 1937

ორიოდე სიტყვა არანხუესის სამეფო სასახლეზე – ფილიპე მეორეს მიერ დაწყებული მშენებლობა მთელი მე-XVII საუკუნის განმავლობაში გრძელდებოდა. მადრიდიდან 48 კმ-ით დაშორებული ეს სასახლე ვერსალის ”ესპანური მეტოქე” უნდა ყოფილიყო. საბოლოო სახე სასახლეს ორი საუკუნის შემდეგ ფერდინანდ VI-მ მისცა.

ნამდვილი სიყვარულის ამბავი

ან სიყვარულის ნამდვილი ამბავი.
ვიცი, რომ ყოველთვის ასე არ ხდება ხოლმე, ხანდახან პირიქითაა – მაგრამ ეს კომიქსი კაცმა დახატა 🙂

ახალი ამბები

blogger-vs-wordpress
მაშ ასე, ბლოგერიდან/ბლოგსპოტიდან გადმოვბარგი ვორდპრესზე.

ერთი დიდი უარყოფითი მხარე ისაა, რომ 5 წლის განმავლობაში დაწერილი პოსტები, რომლებიც გუგლმა დააინდექსა და ძალიან კარგადაც აჩვენებდა ძიების შედეგებში, დამეკარგა. ვორდპრესს სხვანაირი ლინკების სტრუქტურა აქვს და პოსტების მისამართები ერთი ერთში ვერ გადმოვიტანე. ამისათვის უნდა სელფ-ჰოსთედ ვპ ამეღო, თავისი თავის ტკივილებით და ამ ეტაპზე უბრალოდ დავიკიდე.

ბოლოს და ბოლოს, ბლოგიდან არანაირი შემოსავალი არ მიმიღია არასოდეს, და არც არანაირი ხარჯი გამიწევია (თუ არ ჩავთვლით დომენის გადასახადს, წელიწადში 10$). ამიტომაც, დამატებითი ხარჯის გაწევა და ჰოსთინგის აღება ნამდვილად ზედმეტად მივიჩნიე.

სანამ ბოლომდე გადმოვბარგდები, კარგად ავაწყობ და დავალაგებ აქაურობას, ჩემს რამდენიმე ფავორტ პოსტს/ტეგს დავლინკავ:

>ცოტა ისტორიასაც მოვუსმინოთ

>მოგეხსენებათ, საბჭოთა დიზაინი სულაც არ იყო ცუდი, მაგრამ ერთი რამე რუსებს არ გამოსდიოდათ: მანქანების დიზაინი.

ამიტომაც ყველაფერს იპარავდნენ მტრული კაპიტალისტური ქვეყნებიდან.

ამას წინათ მივაქციე ყურადღება ერთ საინტერესო დეტალს:

ცნობილი საბჭოტა ”ზაპოროჟეცი” მოპარული ყოფილა გერმანული მანქანიდან NSU Prinz.

NSU Motorenwerke AG დაარსდა 1873 წელს და 1969 წელს Volkswagen Group-ს შეუერთდა.

ფოლქსვაგენმა კი აიღო და მასში შემავალი ორი ორგანიზაცია გააერთიანა: NSU და Auto Union, რომელიც, თავის მხრივ, შედგებოდა ოთხი ფირმისაგან: AudiWanderer, Horch და DKW (და რომელიც ფოლქსვაგენმა Daimler Benz-ისაგან შეიძინა).

აუგუსტ ჰორხის (ავტოინჟინერი) გვარი გერმანულ კუთხურ ენაზე ნიშნავს იგივეს რასაც ქართული ”გეყურება?” ანუ ”მოსმენას”.
ჰოდა ამდენი ცვლილებისა და შერყწმის შემდეგ ბატონი ჰორხის გვარი თარგმნეს ლათინურად და მიიღეს კომპანიის ახალი სახელი.

ამას აღნიშნავს აუდის ლოგოც: ოთხი რგოლი (Horch, Wanderer, DKW, NSU)