# მუსიკალური პოსტი ხო, ალბათ მუსიკის გარეშე მართლაც არ შემიძლია ცხოვრება... რამდენიმე კატეგორია არსებობს: მუსიკა, რომელსაც ყოველთვის შეგიძლია, უსმინო მუსიკა, რომელსაც მხოლოდ ცუდ ხასიათზე უსმენ მუსიკა, რომელსაც მხოლოდ კარგ ხასიათზე უსმენ და მუსიკა, რომელსაც არასოდეს უსმენ :) არსებობს ისეთი კომპოზიციები, რომლებსაც გინდა უსმინო და ვერ უსმენ ტკივილის გარეშე. არსებობს ისეთები, რომლებიც ყოველთვის მოგწონდა და მოგეწონება, უბრალოდ აღარ უსმენ ხოლმე. მერე, დროსთან ერთად, ისევ შეგიძლია ხოლმე უკვე მოუსმინო - და თავიდან მოგწონს. არსებობს მუსიკა, რომელიც არასოდეს დაგავიწყდება - სულ შენთანაა. კიდევ არსებობს ისეთი მუსიკა, რომელიც შენში რაღაც გრძნობებს ბადებს, ან აღვიძებს - აი მაშინდელს, პირველად რომ მოუსმინე... ჩემთვის სხვადასხვა მუსიკასთან სხვადასხვა ხალხი ასოციირდება. სხვადასხვა ადგილები, მოვლენები, სუნი, ამინდი, გრძნობები, ეიფორია ან სულაც დეპრესია... ალბათ ამიტომაც სულ რადიოს ვუსმენ ხოლმე მანქანაში - რამე ახალი რომ მოიტანოს ;)