# გაუღიმე ქუთაისს ![](https://cdn.hashnode.com/res/hashnode/image/upload/v1764327620996/416238c4-ca94-44f1-aa08-da7a7f2fc632.jpeg align="center") მე სულ ვიღიმი, როცა ქუთაისში ჩავდივარ და ჭავჭავაძის გამზირზე, გზაჯვარედინზე, ლუდი ”აიას” რეკლამას ვხედავ: ბიჭი და გოგო (ბოლო რამდენიმე წელიწადია, თან ყოველ წელს - ახალი წყვილი) მხურვალე და გამომწვევი, ”ფრანგული” კოცნით აღიზიანებენ ქუთაისელების მადას ლუდისა და ერთმანეთის კოცნის ამბავში... საამაყო სიჯიუტეს იჩენს ლუდი ”აია”. და ქუთაისელებიც არ ეპუებიან - ვისაც ლუდის ფული არა აქვს, და საკოცნელიც არავინ ყავს, ბნელი ღამით, შავი საღებავით შეიარაღებულები ეპარებიან სარეკლამო დაფას და... მერე რა, მეორე დღეს გათენებულზე - გაფუჭებულ პლაკატს ხსნიან და ახალს აკრავენ... აი ასეთია ეს უცნაური და თან საყვარელი ქალაქი.