>მთავარი შეცდომა, რომელსაც ქალი მამაკაცთან ურთიერთობისას უშვებს

>

ხშირად კამათისა და წყენის თავიდან აცილება სულ ადვილი შესაძლებელია. საკმარისია გვახსოვდეს, რომ მამაკაცთან ქალის ენაზე საუბარი არ შეიძლება:

  • ქალისთვის თვითგამოხატვის მთავარი საშუალება მეტყველებაა. როცა მამაკაცს რამდენიმე საქმე აქვს მოსაგვარებელი, ის იტყვის: “საქმე მაქვს, მოგვიანებით შევხვდებით”, ქალი კი თანამოსაუბრეს სათითაოდ ჩამოუთვლის ყველა საქმეს და მათ ყველა შესაძლო ვარიანტს განიხილავს.რატომ აღიზიანებთ ეს მამაკაცებს? საკითხის გადაჭრისადმი ქალურ მიდგომას, “ხმამაღლა ფიქრს”, მამაკაცი აღიქვამს გაუთავებელ და დამღლელ ყბედობად, რომელიც ერთ ყურში უნდა შეუშვა და მეორიდან გამოუშვა.იმისთვის, რომ პრობლემებზე აღარ იფიქრო, არსებობს ერთადერთი გზა – მათზე საუბარი. მაგრამ ნუ ეცდებით, თქვენი ტვირთი სხვას გადაულოცოთ. გაანდეთ თქვენი საფიქრალი მამაკაცს და დაიმახსოვრეთ: მისი დუმილი იმას არ ნიშნავს, რომ მისთვის “ყველაფერი სულერთია”.
  • ტვინის მარცხენა და მარჯვენა ნახევარსფეროებს შორის ინფორმაციის ნაკადი ქალს უფრო მძლავრი აქვს. გარდა ამისა, მის ტვინში არის სპეციალური უბანი, რომელიც მეტყველებას განაგებს, ამიტომაც შეუძლია, რამდენიმე საკითხზე ერთდროულად ისაუბროს. მამაკაცის ტვინი ერთ ხაზს მიჰყვება და ინფორმაციას მხოლოდ ერთ თემაზე ამუშავებს, ქალს კი შეუძლია, დაიწყოს ერთი საგნით, შუა წინადადებაში გადახტეს მეორეზე და შემდეგ გაუფრთხილებლად დაუბრუნდეს პირველს, გზად კი სხვა თემასაც შეეხოს. ამას მამაკაცი მოთმინებიდან გამოჰყავს. ასე რომ, თუ გსურთ, მამაკაცმა მოგისმინოთ და გაგიგოთ, საუბრისას ერთი თემიდან მეორეზე ნუ გადახტებით. ისაუბრეთ მხოლოდ ერთ, თქვენთვის მნიშვნელოვან საკითხზე.
  • მამაკაცები თანამოსაუბრეს სიტყვას მხოლოდ მაშინ აწყვეტინებენ, როდესაც მის მიმართ აგრესიულად არიან განწყობილნი ან მასში მეტოქეს ხედავენ, ქალებისთვის კი საუბარში რეპლიკების ჩართვა თანამოსაუბრისადმი ყურადღების გამოხატვად ითვლება. მიუხედავად ამისა, ქალის მცდელობა, მამაკაცზე შთაბეჭდილების მოსახდენად საუბარი მრავალი მიმართულებით წარმართოს, წარუმატებლობისათვის არის განწირული. მამაკაცს არ შეუძლია, საუბრისას რამდენიმე თემატურ ხაზს მისდიოს და ყველა, ვინც ასე იქცევა, უვიცად მიაჩნია. შეიბრალეთ მამაკაცები! ისინი რიგრიგობით საუბრობენ, რადგან ლაპარაკი და მოსმენა ერთდროულად არ ძალუძთ. იყავით თავშეკავებული და მომთმენი და მიეცით საშუალება, სათქმელი ბოლომდე თქვან.
  • საუბარი “ყველაფერსა და არაფერზე” წმინდა ქალური ფენომენია და ემსახურება გარკვეულ მიზანს: ასე ურთიერთობის მოგვარება უფრო იოლია, რადგან “არაფერზე” საუბარი არ იწვევს აგრესიას და კონფრონტაციას. მამაკაცები კი ბრაზობენ, როდესაც საუბარში არ იგრძნობა ლოგიკა და მკაფიო მიზანი. მათი აზრით, ქალებმა თავადაც არ იციან, რას ამბობენ. ეცადეთ, მამაკაცთან საუბრისას ზუსტად ჩამოაყალიბოთ საუბრის თემა. ამგვარი მიდგომა ეპასუხება მამაკაცის ლოგიკას, მისი ტვინის სტრუქტურას და საშუალებას აძლევს, შეიგრძნოს საკუთარი მნიშვნელობა.
  • ქალი სიტყვებს თვითგამოხატვისთვის იყენებს, ამიტომ მისთვის ისინი ერთგვარ სასიცოცხლო აუცილებლობას წარმოადგენს, მამაკაცი კი სხვანაირად არის მოწყობილი, ამიტომ იშვიათად აღიქვამს სერიოზულად ქალურ რისხვას “აღარ დაგელაპარაკები!” მეტიც – ქალის სიჩუმე მისთვის ჯილდოა, დასვენების შანსია. ასე რომ, როგორც არ უნდა გინდოდეთ რაიმე ამბის მოყოლა, პირის გაღებას ნუ იჩქარებთ. წინააღმდეგ შემთხვევაში მამაკაცი სასჯელის მნიშვნელობას ვერ იგრძნობს.

წყარო: mkurnali.ge

    8 thoughts on “>მთავარი შეცდომა, რომელსაც ქალი მამაკაცთან ურთიერთობისას უშვებს

    1. >LOOOOOLმაგარ უხერხულში ჩავარდნილა ;)და თანამშრომელმა გოგოებმა ქართულად იცოდნენ ეგ რას ნიშნავს? :)))

    2. >ქალი სიტყვებს თვითგამოხატვისთვის იყენებს, ამიტომ მისთვის ისინი ერთგვარ სასიცოცხლო აუცილებლობას წარმოადგენს, მამაკაცი კი სხვანაირად არის მოწყობილი, ამიტომ იშვიათად აღიქვამს სერიოზულად ქალურ რისხვას "აღარ დაგელაპარაკები!" მეტიც – ქალის სიჩუმე მისთვის ჯილდოა, დასვენების შანსია. ასე რომ, როგორც არ უნდა გინდოდეთ რაიმე ამბის მოყოლა, პირის გაღებას ნუ იჩქარებთ. წინააღმდეგ შემთხვევაში მამაკაცი სასჯელის მნიშვნელობას ვერ იგრძნობს. ” ეს ყველაზე მაგარია :))))))

    3. >გუშინ გადავიკითხე ეს პოსტი და ფოტოსთვის არ მიმიქცევია ყურადღება, სანამ… ჩვენმა საერთო მეგობარმა არ მომიყვა, როგორ დაგირეკა და გკითხა BJ-ზე :D:D:Dაი ამის მერე შენ გიდე მეტყვი რომ მე გისვამ უცნაურ კითხვებს :D:D:D

    4. >"ქალისთვის თვითგამოხატვის მთავარი საშუალება მეტყველებაა." – არადა ჩემთვის წერაა. მერჩივნა სკაიპში მიმეწერა. სმს-ი მიმეწერა, ვიდრე რამე მეთქვა. ამას რომ მიხვდა, მეუბნებოდა მომწერეო და არა მითხარიო. "მისი დუმილი იმას არ ნიშნავს, რომ მისთვის "ყველაფერი სულერთია"." – ააააააა, აუ მე კიდევ სულ მგონია, რომ რახან დუმს, ე. ი. არ ადარდებს, ფეხებზე ჰკიდია და ა.შ. "ამიტომაც შეუძლია, რამდენიმე საკითხზე ერთდროულად ისაუბროს. ქალს შეუძლია, დაიწყოს ერთი საგნით, შუა წინადადებაში გადახტეს მეორეზე და შემდეგ გაუფრთხილებლად დაუბრუნდეს პირველს, გზად კი სხვა თემასაც შეეხოს." – ეს მამაკაცს კი არა, დედაჩემის გამოჰყავს წყობიდან😀 არადა სულ ეგრე ვაკეთებ, რა ჯანდაბაა რა. :(ძალიან კარგი პოსტია. გაიხარე.

    5. >:D:D:Dთან რატო იცი, სანამ შენ გირეკავდა, თანამშრომელი გოგოები ინტერესით ელოდებოდნენ პასუხს. ხოდა ხო უნდოდა იმ პასუხს გაცემა, რომ Bachelor of Journalism-ზე არ იყო საუბარი :Dდა ყველაზე პრიკოლი, ინგლისურად რო უთქვამს, რაც იგულისხმებოდა, მაინც ვერ მიმხვდარან და მერე ქართულად მოუწია ახსნა :D:D:D

    6. >გიგააააა, უმაგრესი პოსტია , ყველაფერზე მინდოდა ცალ-ცალკე დაკომენტება და მეზარება :)))

    7. >მაგდენი აღარ ვიცი :Dგააჩნია, თუ იმათაც ამერიკელი ქმრები ყავდათ, როგორც მარიკას თანამშრომელს, მაშინ ალბათ ეცოდინებოდათ :D:D:D:D:D

    Leave a Reply

    Please log in using one of these methods to post your comment:

    WordPress.com Logo

    You are commenting using your WordPress.com account. Log Out / შეცვლა )

    Twitter picture

    You are commenting using your Twitter account. Log Out / შეცვლა )

    Facebook photo

    You are commenting using your Facebook account. Log Out / შეცვლა )

    Google+ photo

    You are commenting using your Google+ account. Log Out / შეცვლა )

    Connecting to %s